ඉස්තරම්ම ඡායාරූපයක් ගන්නා හැටි – 2 – Rule of Third

මම මේක ගැනත් මීට ඉස්සෙල්ල ටිකක් කියල තියෙනව. Rule of Third කියන්නෙ ඡායාරූපයේ රාමුව කොටස් වලට වෙන් කරගන්නා ආකාරයක්. මෙහිදී රාමුව සමාන කොටස් 9කට වෙන් කරනව, පහත ඡායාරූපය වෙන් කරල තියෙනව වගේ.

ඔබ ඡායාරූපය ගන්නකොට ඔබට විශේෂයෙන්ම පෙන්නන්න ඕනෙ දේවල්, නාභිගත කරන වස්තු, මෙම රේඛා වල ඡේදන ලක්ෂ වල ස්ථානගත කරන්න. මොකද කිව්වොත්, එම ලක්ෂ තමයි බලන්නාගේ ඇස මුලින්ම යන ලක්ෂ.

Rule of 3rd

පහත උදාහරණ සළකල බලන්නකෝ.
  • පසුබිම් දර්ශනයක් ඡායාරූප ගත කරනවනම්, ක්ෂිතිජය පහළ රේඛවට ගත්තොත් බලන්නාට, විශාල, ඉඩ කඩ ඇති හැඟීමක් දෙනව. ක්ෂිතිජය ඉහළ රේඛාවට ගත්තොත්, දැනෙන්නෙ සමීප කුළුපග, ආත්මීය හැඟීමක්.
  • පුද්ගල ඡායාරූපයක්ගන්නකොට පුද්ගලයාගේ ඇස් අර කිව්ව රේඛා ඡේදන ලක්ෂයකට එන විදිහට ඡායාරූපය ගන්න.
ඔබ පාවිච්චි කරන්නෙ Auto Focus කැමරාවක් නම් Focus Locking කියන එක දන්නවනෙ? එහිදී වෙන්නෙ ඔබ කැමරාවේ shoot බොත්තම් භාගයක් ඔබල තියාගෙන ඉන්නකොට focal point එකේ තියෙන වස්තුවට අදාළ දුරට කැමරාව නාභිගත වෙනව, ඔබ කැමරාව වෙනස් කළත් focal length එක වෙනස් වෙන්නෙ නෑ.
ඉතින් ඔයාලට කරන්න තියෙන්නෙ, වස්තුව viewfinder එකේ මැදට අරගෙන ඒකට නාභිගත කරගෙන focus lock කරගෙන වස්තුව rule of third එකට අනුව, අර රේඛා වල ඡේදන ලක්ෂයකට එන විදිහට කැමරාව චලනය කරන එක. ඊට පස්සෙ එහෙම තියල ඡායාරූපය ගන්න.


One thought on “ඉස්තරම්ම ඡායාරූපයක් ගන්නා හැටි – 2 – Rule of Third

  • September 6, 2012 at 9:37 pm
    Permalink

    මේක නම් මැක්සා පොස්ට් එකක් මචං… මගේ තියෙන්නේ Kodak P880 කැමරාවක්…. මං දන්නේ නෑ ඒක මොන ජාතියේ එකක්ද කියලත්… කරදරයක් නෙමේ නම් පොඩ්ඩක් කියන්න….

    Reply

Leave a Reply

Your email address will not be published. Required fields are marked *