කැමරාව නිවැරදිව අල්ලා ගන්නේ කෙසේද? – 1

සමහරු හිතන්න පුලුවන් මේක කිසිම ප්‍රයෝජනයක් නෑ කියල, ඒ උනාට මේකත් හුඟක් වැදගත් දෙයක්.
ඔබට පුළුවන්ද කැමරාව ස්ථායීව දිගු වේලාවක් එකම ආකාරයට අල්ලාගෙන ඉන්න? ඔබ භාවිතා කරන්නෙ විශාල කාච පද්ධතියක් සහිත DSLR එකක් නම්? හරියට කැමරාව අල්ලගන්න බැරුව ඔබ ගත්තු ඡායාරූප කීයක් බොඳ වෙලා තියෙනවද?
අන්න ඒ හින්දයි, ඔබ කැමරාවක් ගත්තම ඒක නිවැරදිව අල්ලාගන්නා ආකාරය ඉගෙන ගත යුත්තේ. කැමරාවේ නිවැරදි ග්‍රහණය තමයි, තියුණු ඡායාරූපයක පාදම වෙන්නෙ.
කැමරාව අල්ලා ගන්නා ආකාරයකැමරාව අනුව වෙනස් වෙනව.

 

මූලික සිට ගැනීමේ ඉරියව්ව
බලන්න මේ ඉරියව්ව දිහා, මේක තමයි, DSLR/ASLR එකක් අල්ල ගන්න මූලික ඉරියව්ව.

කැමරාව නළලට සිරකරගත යුතුයි, වම් අතේ අල්ල උඩට කැමරාවෙ බර දෙන්න, දබරැඟිල්ලෙනුයි, මහපට ඇඟිල්ලෙනුයි කාචය අල්ලා ගන්න. දකුණු අතේ දබරැඟිල්ල පාවිච්චි කරන්න shoot බොත්තම ඔබන්න, අනෙක් ඇඟිලි 4න් කැමරාව අල්ලා ගන්න.වැලමිටි දෙක ඇඟට හිරවෙන්න තියාගන්න.ඔබට tripod එකක් නැති නිසා තමුන්ගෙ ශරීරය tripod එකක් කරගන්න ඕනෙ කැමරාවට.
මේ ක්‍රම නම් සම්පූර්ණයෙන් වැරදි ක්‍රම. එය ඡායාරූපයට වගේම කැමරාවටත් හොඳ නැති ක්‍රම.


සිටගෙන සිටීමේදී පාද පිහිටිය යුතු ආකාරය
පුලුවන් තරම් ශරීරය ස්ථායීව තබා ගැනීම තමයි අවශ්‍ය වෙන්නෙ. ඉතින් ඒකට පාද තබා ගත යුතු ආකාරයත් වැදගත්.
පාද දෙක ඈත් කරල, වම් කකුල ටිකක් ඉදිරියට තබල, ඉනෙන් ඇඟ ටිකක් පසු පසට බර කරල, කැමරාවේ බර තමුන්ගේ ශරීරයේ ගුරුත්ව කේන්ද්‍රය හරහා යන විදිහට ඉන්න. ඒක තමයි හරිම ක්‍රමය.
කැමරාව සිරස් අතට අල්ලා ගන්නා ආකාරය.
සිරස් අතට ඡායාරූපයක් ගැනීමේදී කැමරාව අල්ලන ආකාරය පොඩ්ඩක් වෙනස් වෙනව. බලන්නකො මේ රූපය දිහා.
කැමරාව අංශක 90ක් භ්‍රමණය කරන්න, කැමරාව ඇසෙන් ඉවතට ගන්නෙ නැතුව. වම් අතෙන් කැමරාවෙ කාච කොටස අල්ලගෙන ඉන්න ගමන්ම. ඔබ චලනය කළ යුත්තේ දකුණු අත පහළටයි, ඉහළට නොවෙයි. හැම වෙලේම අත් දෙක ඇඟට තද වෙලා තියෙන්න ඕනෙ.
මේ ක්‍රමයට අමතරව තව ක්‍රමයක් තියෙනව.
මේක බලන්න. මොකද හිතෙන්නෙ?

මේකත් ඉතාම හොඳ පහසු ඉරියව්වක්. කැමරාව ඔබේ දකුණු අතේ වැලමිට උඩින් තියා ගන්න. (ගුරුත්ව කේන්ද්‍රය හොයාගන්න.) දවස පුරාම ඡායාරූප ගන්න අයට මේක හොඳ ඉරියව්වක්, අතටත් ටිකක් විවේකයක් ලැබෙනවනෙ.
හැබැයි මේකෙ තියෙන දුර්වලතාවය තමයි, කාචය සම්බන්ධ වෙනස් කිරීම් කළ නොහැකි වීම.

 

 

අපි මෙච්චර වෙලා කතා කළේ ලොකු ලොකු කැමරා ගැනනෙ.

 

 

ඔබට තියෙන්නෙ සාමාන්‍ය සංයුක්ත ඩිජිටල් කැමරාවක්ද?

 

ඒකත් හිතුනු හිතුනු විදිහට අල්ලන්න බෑ. මොකද ඒකටත් සෙලවීම් වගේ දේවල් පොදුයි.හුඟක්ම සංයුක්ත ඩිජිටල් කැමරා වල view finder එකක් නෑ, තියෙන්නෙ LCD තිරයක් විතරයි. අනික ඒව හරිම පුංචි නිසා තදින් අල්ලගන්නත් බෑ.
View finder එකක් තියෙනවනම් අනිවාර්යයෙන් ඒක පාවිච්චි කරන්න.
මේකටත් අර මුලින් කිව්ව නීති ටික බලපානව. අත් දෙකෙන්ම අල්ලන්න, අත් දෙක ඇඟට හිර වෙන විදිහට වැලමිටි ඇඟට තද කරල තියාගන්න.
පටියක් තිබෙනවනම්, අනිවාර්යයෙන්ම ඒක මැණික් කටුව වටේ ඔතාගන්න.

 

වම් අතේ ඇඟිලි ටික බලන්න. ඒව හරියට තියාගන්න, නැත්තම් ඒව කාචය ඉදිරියට ඇවිල්ල දන්නෙම නැතුව කාචය වසා ගනීවි.
නැත්තම ලේසිම ක්‍රමේ තමයි මේක. කැමරාව වම් අතේ අල්ල උඩින් තියාගන්න, මහපට ඇඟිල්ලෙන් කැමරාව තද කරල අල්ල ගන්න.

සිරස අතට අල්ලන්නෙ කොහොමද? මෙන්න මෙහෙමයි. බලන්නකො.


තවම ඉවර නෑ, ඊලඟ ලිපියෙන් කියන්නම්, වඩා පහත් මට්ටම් වල ඉඳල ඡායාරූපයක් ගන්නකොට මොකද කරන්න ඕනෙ කියල හා වෙනත් ආධාරක උපයෝගී කරගන්නෙ කොහොමද කියල.

23 thoughts on “කැමරාව නිවැරදිව අල්ලා ගන්නේ කෙසේද? – 1

  • September 8, 2009 at 12:13 pm
    Permalink

    බලාගෙන ගියාම මම මෙච්චර කල් කැමරාව ඒලං ඉදල තියෙන්නෙ
    ගොඩක් ස්තුති ලිපියට

    Reply
  • September 8, 2009 at 12:26 pm
    Permalink

    මූලික සංකල්ප ගැන ලියවුනු හ‍රි වැදගත් ලිපියක්.
    බොහොම ස්තූතියි.

    Reply
  • September 8, 2009 at 12:45 pm
    Permalink

    හොද පැහැදිලි කිරිමක්

    Reply
  • September 8, 2009 at 12:45 pm
    Permalink

    අධුනික අපිට හරිම වැදගත් ලිපියක්.
    තව ලියන්න.

    Reply
  • September 8, 2009 at 4:51 pm
    Permalink

    bohoooma sthuthi

    Reply
  • September 8, 2009 at 8:09 pm
    Permalink

    ගොඩාක් ස්තූතියි. මෙතෙක් නොදැන හිටි ඉතා වැදගත් දෙයක් පැහැදිලි කලාට.

    Reply
  • September 8, 2009 at 9:41 pm
    Permalink

    රූපසටහන් එක්ක හොඳින් පැහැදිලි කරල තියෙනව.
    දිගටම ලියන්න.

    Reply
  • September 9, 2009 at 10:18 am
    Permalink

    ගොඩක් ස්තූතියි ලිපියට.. 🙂

    Reply
  • September 10, 2009 at 10:50 pm
    Permalink

    ස්තුතියි හැමෝටම. හැමෝටම තේරෙන ස‍රළ විදිහට තමයි මම හැම වෙලේම ලියන්න උත්සාහ ක‍රන්නෙ

    Reply
  • May 13, 2012 at 6:02 pm
    Permalink

    bohoma istuti kawadawath dangena hitiye nati tikak man ada igena gatta

    Reply
  • May 13, 2012 at 6:03 pm
    Permalink

    bohoma istuti kawadawath dangena hitiye nati tikak man ada igena gatta සාමාන්‍ය සංයුක්ත ඩිජිටල් කැමරාවක් gana tawath wistara danawanm kamati

    Reply
    • May 13, 2012 at 8:04 pm
      Permalink

      ස්තුතියි අදහසට. අපි බලමු. 🙂

      Reply
  • May 15, 2012 at 4:27 pm
    Permalink

    විශිෂ්ටයි සර්…………….

    Reply
  • May 16, 2012 at 8:17 am
    Permalink

    Good Work..
    Tks for the info..

    Reply
  • May 20, 2012 at 9:43 pm
    Permalink

    හෑ…බලං ගියාම මං සිරස් විදියට කැමරාව අල්ලනව වැරදියිනෙ…
    ලිපියට ස්තූතියි!

    Reply
  • July 1, 2012 at 7:53 pm
    Permalink

    රූපසටහන් එක්ක හොඳින් පැහැදිලි කරල තියෙනව.විශිෂ්ටයි සර්…

    Reply
  • February 26, 2013 at 6:55 pm
    Permalink

    rupa satahan magin penvima godak wadagath .

    Reply
  • August 25, 2013 at 1:53 pm
    Permalink

    godak hondai, thava thava devaluth sinhalen liyanna; macro, HDR, tilt shifting, rule of thirds

    Reply
  • March 10, 2014 at 12:40 pm
    Permalink

    ලිපියට ස්තූතියි

    Reply

Leave a Reply

Your email address will not be published. Required fields are marked *