කැමරාව නිවැරදිව අල්ලා ගන්නේ කෙසේද? – 2

පසුගිය ලිපිය හා සම්බන්ධයි. මේ එම ලිපියේ දෙවන කොටසයි.


පහත් මට්ටම් වල සිට ඡායාරූප ගැනීමේ ක්‍රම
ඡායාරූපයක් ගන්නකොට හැමවෙලේමහිටගෙන ගන්න බෑනෙ. බිමට පහත් වෙලා ඡායාරූපයගන්න වෙන අවස්ථා බොහොමයි. කොහොමද එතකොට කැමරාව අල්ල ගන්නෙ.බලන්න මේ රූපය දිහා.

කැමරාව අල්ල ගන්න ආකාරය පෙර පරිදිමයි, මේ ඉන්න විදිහට අත් දෙක ඇඟට ලන් කරල ඉන්න බෑනෙ, මොකද කරල තියෙන්නෙ? අත් දෙකේම බර දණිස් දෙකට දීල. එතකොට ඉස්සෙල්ල වගේම තාමත් කැමරාව ස්ථායී.
පොඩ්ඩක් ඇඳුම් වල කුණු දූවිල්ල ගෑඋනාට කමක් නැත්තම් වැඩිපුර හිතන්නෙ නැතුව හොඳට හරි බරි ගැහිල බිම ඉඳගන්න, ඒක තමයි හොඳම ක්‍රමේ. මෙන්න බලන්න මේක.

 

බිම වැතිරී ඡායාරූප ගැනීම
Macro ඡායාරූපයක් වගේ ගන්නකොට ඡායාරූපයට ලක් වන දේට හුඟක් ලං වෙන්න ඕනෙ, ඒක තියෙන්නෙ පොළව මට්ටමේ නම්? එක දෙයයි කරන්න තියෙන්නෙ,
බිම දිගා වෙන්න.

හැම වෙලේම මතක තියාගන්න ඔබේ ශරීරය tripod එකක් කරගන්න, අත් දෙක හා නළල.
ආධාරක උපයෝගී කර ගැනීම
මම හැම වෙලේම කිව්වනෙ ස්ථාවරත්වය තමයි වැදගත්ම කියල. ඉතින් පුලුවන් කමක් තියෙනවනම් බාහිර ආධාරක උපයෝගී කරගන්න පැකිලෙන්න එපා. බිත්තියක්, ගහක්, වාහනයක්, කණුවක්, ඕනෙම දෙයක්.
බිත්තියක් වගේනම් ඔබට පුලුවන් කැමරාව ඒ මත තියල ඔබත් බිත්තියට හේත්තු වෙලා ඡායාරූපය ගන්න. (එහෙම ගන්න පුලුවන් එකක් නම් ඔබ ගන්නෙ.)

දැන් හරි, දැන් තියෙන්නෙ ඡායාරූපයක් ගන්න.
තව වැදගත් දෙයක් තියෙනව කියන්න, ඡායාරූපය ගනිද්දි හුස්ම ගන්න එපා (shutter බොත්තම ඔබද්දි). හුස්මක් අරන් හිර කරගෙන ඡායාරූපය ගන්න, නැත්තම් හුස්ම හෙලුවට පස්සෙ ගන්න.

4 thoughts on “කැමරාව නිවැරදිව අල්ලා ගන්නේ කෙසේද? – 2

  • September 12, 2009 at 9:04 am
    Permalink

    ස්තුතියි!

    Reply
  • September 12, 2009 at 11:51 am
    Permalink

    godak sthoothi . . . ! harima watina lipiyak . . .

    Reply
  • September 12, 2009 at 6:45 pm
    Permalink

    සරළව, පැහැදිලිව ලියල තියෙනවා. දිගටම ලියන්න.

    Reply
  • September 12, 2009 at 8:02 pm
    Permalink

    තැන්කූ වේවා…..

    Reply

Leave a Reply

Your email address will not be published. Required fields are marked *